ಕಾಂಡೋಮ್ ಪರೀಕ್ಷಕಳಾದ ರಾಕುಲ್ , ಈ ಪಾತ್ರ ಒಪ್ಪಲು ಕಾರಣವೇನು ?

ಯಾರಿಯನ್​ ಚಿತ್ರದ ಮೂಲಕ ಬಾಲಿವುಡ್​ಗೆ ಕಾಲಿಟ್ಟ ಬಹುಭಾಷಾ ನಟಿ ರಾಕುಲ್​ ಪ್ರೀತ್​ ಸಿಂಗ್​  (Rakul Preet Singh) ಸದ್ಯ ಕಾಂಡಮ್ ಪರೀಕ್ಷಕಳ ಪಾತ್ರಕ್ಕೆ ಬಣ್ಣ ಹಚ್ಚಿದ್ದಾರೆ. ಕಾಂಡೋಮ್​ ಟೆಸ್ಟ್​ ಮಾಡುವ ವಿಭಿನ್ನ ಪಾತ್ರಕ್ಕೆ  ಸಹಿ ಮಾಡಿದ್ದಾರೆ ರಾಕುಲ್! 

ಈ ಪಾತ್ರಕ್ಕೆ ಮೊದಲು ಸಾರಾ ಅಲಿ ಖಾನ್​ ಮತ್ತು ಅನನ್ಯ ಪಾಂಡೆರನ್ನು ಕೇಳಲಾಗಿದ್ದು, ಜನರಲ್ಲಿ ತಮ್ಮ ಮೇಲೆ ಬೇರೆ ರೀತಿಯ ಭಾವನೆ ಮೂಡಬಹುದೆಂಬ ಕಾರಣಕ್ಕೆ ಅವರು ನಿರಾಕರಿಸಿದರು. ಬಳಿಕ ಈ ಪಾತ್ರವನ್ನು ರಾಕುಲ್ ಒಪ್ಪಿಕೊಂಡರು. ಯಾವುದನ್ನೂ ತಲೆಗೆ ಹಾಕಿಕೊಳ್ಳದ ರಾಕುಲ್​ ಧೈರ್ಯವಾಗಿ ಈ ಪಾತ್ರಕ್ಕೆ ಒಪ್ಪಿದ್ದಾರೆ. 

ರಾಕುಲ್​​ ಅವರು ಕಾಂಡೋಮ್​ ಪರೀಕ್ಷಕಳಾಗಿ ಕಾಣಿಸಿಕೊಳ್ಳುತ್ತಿರುವ ಸಿನಿಮಾ 'ಛತ್ರಿವಾಲಿ. (Chatriwale)  ಈ ಚಿತ್ರದ ಫಸ್ಟ್​ಲುಕ್​ ಪೋಸ್ಟರ್​ ಈಗಾಗಲೇ ಬಿಡುಗಡೆಯಾಗಿದೆ. ಕಾಂಡೋಮ್​ ಪ್ಯಾಕೆಟ್​ ಓಪನ್​ ಮಾಡುತ್ತಿರುವ ರಾಕುಲ್ ಪೋಸ್ಟರ್​ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್​ ಆಗುತ್ತಿದ್ದು, ನೋಡುಗರ ಹುಬ್ಬೇರಿಸುತ್ತದೆ.  

ಚಿತ್ರದಲ್ಲಿ ಯಾವುದೇ ಅಶ್ಲೀಲ ದೃಶ್ಯಗಳಿಲ್ಲ. ಇಂತಹ ಪಾತ್ರಗಳನ್ನು ಮಾಡುವುದರಿಂದ ವೃತ್ತಿ ಜೀವನಕ್ಕೆ ತೊಂದರೆಯಾಗುವ ಸಾಧ್ಯತೆ ಇದೆ. ಆದರೆ, ಇಂತಹ ಅವಕಾಶಗಳು ಅಪರೂಪಕ್ಕೆ ಒಮ್ಮೆ ನಮಗೆ ಸಿಗುತ್ತವೆ. ಹೀಗಾಗಿ ಈ ಪಾತ್ರವನ್ನು ಮಾಡಿಕೊಳ್ಳಲು ನಾನು ಒಪ್ಪಿಕೊಂಡೆ.  ಚಿತ್ರದಲ್ಲಿನ ನನ್ನ ಪಾತ್ರದ ಬಗ್ಗೆ ಪಾಲಕರಿಗೆ ಹೇಳಿ,ಅವರ ಒಪ್ಪಿಗೆ ಬಳಿಕ ನಾನು ಒಪ್ಪಿಕೊಂಡಿದ್ದೇನೆ ಅವರು ನನಗೆ ತುಂಬಾ ಪ್ರೋತ್ಸಾಹ ನೀಡಿದ್ದಾರೆ.ಎಂದು ನಟಿ ರಾಕುಲ್ ಪ್ರೀತ್​ ಸಿಂಗ್​ ಸಂದರ್ಶನವೊಂದರಲ್ಲಿ ಹೇಳಿದ್ದಾರೆ. 

ಪುಟ್ಟ ಗ್ರಾಮದಿಂದ ಬರುವ ಹುಡುಗಿ ಕಾಂಡೋಮ್​ ಗುಣಮಟ್ಟ ಪರೀಕ್ಷಿಸುವ ಮುಖ್ಯಸ್ಥಳಾಗುವುದೇ ಈ ಚಿತ್ರದ ಕತೆ. ಆರಂಭದಲ್ಲಿ ಹುಡುಗಿ ಕೇವಲ ಸಂಬಳಕ್ಕಾಗಿ ಮಾತ್ರ ಕೆಲಸಕ್ಕೆ ಸೇರುತ್ತಾಳೆ. ಬಳಕ ತನ್ನ ಉದ್ಯೋಗದ ಮಹತ್ವವನ್ನು ತಿಳಿದುಕೊಳ್ಳುತ್ತಾಳೆ. ಕೌಂಟುಬಿಕ ಕಥೆಯಾಗಿ ಈ ಚಿತ್ರ ಮುಂದುವರೆಯುತ್ತದೆ. ಈ ಚಿತ್ರ ಬಿಡುಗಡೆಗೆ ಸಿದ್ಧವಾಗಿದ್ದು, ಹೊಸ ಬಗೆಯಲ್ಲಿ ಸಿನಿಪ್ರಿಯರನ್ನು ರಂಜಿಸಲು ಬರಲಿದೆ.