ಡಾಕ್ಟರ್‌ ಬ್ರೋ ಯೂಟ್ಯೂಬ್‌ಗೆ ಗುಡ್‌ಬೈ ಹೇಳಿದ್ರಾ? ಇಲ್ಲಿದೆ ಅಸಲಿ ಕಾರಣ
ಇದೀಗ ಕನ್ನಡದ ಯೂಟ್ಯೂಬ್‌ ಜಗತ್ತಿನಲ್ಲಿ ಡಾಕ್ಟರ್‌ ಬ್ರೋ ಖ್ಯಾತಿಯ ಗಗನ್‌ ಬಗ್ಗೆ ಚರ್ಚೆ ಜೋರಾಗಿದೆ. ರಾಜ್ಯ, ದೇಶ, ವಿದೇಶಗಳಲ್ಲಿ ಸಂಚರಿಸಿ ಅಲ್ಲಿನ ವಿಶಿಷ್ಟ ಮಾಹಿತಿಯನ್ನು ತಮ್ಮದೇ ಶೈಲಿಯಲ್ಲಿ ಯೂಟ್ಯೂಬ್‌ ಮೂಲಕ ಹಂಚಿಕೊಂಡು ಜನಪ್ರಿಯತೆ ಗಳಿಸಿದ್ದ ಗಗನ್‌ ಕಳೆದ ಐದು ತಿಂಗಳಿನಿಂದ ಯಾವುದೇ ವಿಡಿಯೋ ಅಪ್‌ಲೋಡ್‌ ಮಾಡಿಲ್ಲ. ಈ ಕಾರಣದಿಂದ "ಬ್ರೋ ಯೂಟ್ಯೂಬ್‌ಗೆ ಗುಡ್‌ಬೈ ಹೇಳಿದ್ರಾ?" ಎಂಬ ಪ್ರಶ್ನೆಗಳು ಕೇಳಿಬರುತ್ತಿವೆ.
ಪ್ರವಾಸಿ ಯೂಟ್ಯೂಬರ್‌ನಿಂದ ಉದ್ಯಮಿಗೆ ಗಗನ್‌ ತಮ್ಮ ಚಿಕ್ಕ ವಯಸ್ಸಿನಲ್ಲಿ ಪ್ರವಾಸವನ್ನೇ ಹವ್ಯಾಸವನ್ನಾಗಿ ಮಾಡಿಕೊಂಡು, ಕರ್ನಾಟಕದ ಅನೇಕ ಅಪರೂಪದ ಸ್ಥಳಗಳನ್ನು ಯೂಟ್ಯೂಬ್‌ ಮೂಲಕ ಪರಿಚಯಿಸಿದ್ದರು. ನಂತರ ದೇಶದ ವಿವಿಧ ಭಾಗಗಳು ಹಾಗೂ ವಿದೇಶಗಳಲ್ಲೂ ಸಂಚರಿಸಿ ತಮ್ಮ ಅನುಭವಗಳನ್ನು ಹಂಚಿಕೊಂಡಿದ್ದರು. ಅವರ ವಿಶಿಷ್ಟ ಶೈಲಿಯ ವಿಡಿಯೋಗಳು ಫ್ಯಾನ್ಸ್‌ ಸಂಖ್ಯೆಯನ್ನು ದಿನದಿಂದ ದಿನಕ್ಕೆ ಹೆಚ್ಚಿಸುತ್ತಿದ್ದವು.
ಹೊಸ ಬಿಸಿನೆಸ್‌ ಪ್ರಯೋಗ ಇತ್ತೀಚೆಗೆ ಗಗನ್‌ "ಗೋ ಪ್ರವಾಸ" ಎಂಬ ತಮ್ಮದೇ ಟೂರಿಂಗ್‌ ಉದ್ಯಮ ಆರಂಭಿಸಿದ್ದಾರೆ. ಕೆಲವರ ಅಭಿಪ್ರಾಯದಂತೆ, ಈ ಹೊಸ ಬಿಸಿನೆಸ್‌ ಯೂಟ್ಯೂಬ್‌ಗಿಂತ ಹೆಚ್ಚು ಲಾಭದಾಯಕವಾಗಿರುವ ಸಾಧ್ಯತೆ ಇದೆ. ಈ ಕಾರಣದಿಂದ ಅವರು ಯೂಟ್ಯೂಬ್‌ನಿಂದ ದೂರವಾಗಿದ್ದಾರೆ ಎಂಬ ಊಹಾಪೋಹಗಳು ಹರಡಿವೆ.
ಬಿಗ್‌ಬಾಸ್‌ ಎಂಟ್ರಿಗೆ ತಯಾರಿ? ಹಿಂದಿನ ಸೀಸನ್‌ಗಳಲ್ಲಿ ಬಿಗ್‌ಬಾಸ್‌ಗೆ ಹೋಗುವ ಬಗ್ಗೆ ಗಗನ್‌ ಸ್ಪಷ್ಟನೆ ನೀಡಿದ್ದು, "ನಾನು ಬಿಗ್‌ಬಾಸ್‌ಗೆ ಹೋಗಲ್ಲ" ಎಂದಿದ್ದರು. ಆದರೆ ಈ ಬಾರಿ ಕನ್ನಡ ಬಿಗ್‌ಬಾಸ್‌ ಸೀಸನ್‌ 12 ಆರಂಭವಾಗುತ್ತಿರುವ ಹಿನ್ನೆಲೆಯಲ್ಲಿ, ಗಗನ್‌ ಸ್ಪರ್ಧಿಯಾಗಿ ಕಾಣಿಸಿಕೊಳ್ಳುವುದು ಖಚಿತ ಎಂಬ ಸುದ್ದಿ ಹರಡುತ್ತಿದೆ. ಈ ಕಾರಣದಿಂದ ಅವರು ಯೂಟ್ಯೂಬ್‌ಗೆ ಬ್ರೇಕ್‌ ತೆಗೆದುಕೊಂಡಿದ್ದಾರೆ ಎಂಬ ಮಾತುಗಳು ಕೇಳಿಬರುತ್ತಿವೆ.
ಫ್ಯಾನ್ಸ್‌ ನಿರೀಕ್ಷೆಯಲ್ಲಿ ಬ್ರೋ ಮತ್ತೆ ಯೂಟ್ಯೂಬ್‌ಗೆ ಬರುವಾರಾ? ಅಥವಾ ಬಿಗ್‌ಬಾಸ್‌ ಮೂಲಕ ಹೊಸ ಹಾದಿ ಹಿಡಿಯಲಿದ್ದಾರಾ? ಈ ಬಗ್ಗೆ ಸದ್ಯದಲ್ಲೇ ಸ್ಪಷ್ಟತೆ ಸಿಗಲಿದೆ. ಅವರ ಫ್ಯಾನ್ಸ್‌ ಮಾತ್ರ "ಬ್ರೋ ಬಿಗ್‌ಬಾಸ್‌ಗೆ ಹೋದರೆ ಖುಷಿಯ ವಿಷಯ!" ಎನ್ನುತ್ತಿದ್ದಾರೆ.
ನೀವು ಡಾಕ್ಟರ್‌ ಬ್ರೋ ಫ್ಯಾನ್‌ ಆಗಿದ್ದರೆ, ಈ ಬದಲಾವಣೆಯ ಬಗ್ಗೆ ನಿಮಗೆ ಏನನಿಸುತ್ತೆ?