ತನ್ನ ಸೊಸೆ ಮಗನಿಗೆ ಕೊಟ್ಟ ಕಾಟ ದ ಬಗ್ಗೆ ಅಸಲಿ ಸತ್ಯ ಬಿಚ್ಚಿಟ ಎಸ್ ನಾರಾಯಣ್!!

ಪ್ರೀತಿ ಎಂದರೆ ಕೇವಲ ಭಾವನೆ ಅಲ್ಲ, ಅದು ಬದುಕಿನ ಅರ್ಥ, ಕನಸು, ನಗು, ಭವಿಷ್ಯ ಮತ್ತು ಭಾಷೆಯೂ ಆಗಿದೆ. ಇಂಥ ಪ್ರೀತಿಯಿಂದ ರೂಪುಗೊಳ್ಳುವ ದಾಂಪತ್ಯ ಜೀವನವು ಪ್ರೇಮದ ಸೆಲೆಯಾಗಿ ಬೆಳೆಯಬೇಕು, ಉಳಿಯಬೇಕು. ಆದರೆ ಇತ್ತೀಚೆಗೆ ಪ್ರೀತಿ ಮತ್ತು ದಾಂಪತ್ಯದ ಅರ್ಥದಲ್ಲಿ ಬಹುಪಾಲು ಬದಲಾವಣೆ ಕಂಡುಬರುತ್ತಿದೆ. ಸಂಬಂಧಗಳು ಸುಲಭವಾಗಿ ಮುರಿದು ಹೋಗುತ್ತಿವೆ, ವಿಚ್ಛೇದನಗಳು ಸಾಮಾನ್ಯವಾಗುತ್ತಿವೆ.

ಚಿತ್ರರಂಗದಲ್ಲಿಯೂ ಈ ಬದಲಾವಣೆ ಸ್ಪಷ್ಟವಾಗಿದೆ. ಹಲವಾರು ತಾರೆಯರು ತಮ್ಮ ವೈವಾಹಿಕ ಜೀವನವನ್ನು ಮುರಿದುಕೊಳ್ಳುತ್ತಿದ್ದಾರೆ. ಕೆಲವರು ಗೌರವಯುತವಾಗಿ ದೂರವಾಗುತ್ತಾರೆ, ಆದರೆ ಕೆಲವರು ಮಾಧ್ಯಮಗಳ ಮುಂದೆ ಒಬ್ಬರ ಮೇಲೊಬ್ಬರು ಆರೋಪ ಮಾಡುತ್ತಾ, ಕೆಸರೆರಚುತ್ತಾ ಸುದ್ದಿಯಾಗುತ್ತಾರೆ. ಇತ್ತೀಚೆಗೆ ಕನ್ನಡ ಚಿತ್ರರಂಗದ ಖ್ಯಾತ ನಿರ್ದೇಶಕ ಎಸ್. ನಾರಾಯಣ್ ಅವರ ಕುಟುಂಬದ ವಿಚಾರವೂ ಇದೇ ರೀತಿಯ ಬೆಳವಣಿಗೆ ಕಂಡಿದೆ.

ಎಸ್. ನಾರಾಯಣ್ ಅವರ ಸೊಸೆ ಪವಿತ್ರಾ, 14 ತಿಂಗಳ ಕಾಲ ಮನೆಯಿಂದ ದೂರವಿದ್ದ ನಂತರ, ವರದಕ್ಷಿಣೆ ಕಿರುಕುಳದ ಆರೋಪದೊಂದಿಗೆ ಜ್ಞಾನಭಾರತಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಈ ಕುರಿತು ನಾರಾಯಣ್ ಮಾಧ್ಯಮದ ಮುಂದೆ ತಮ್ಮ ನೋವನ್ನು ವ್ಯಕ್ತಪಡಿಸಿದ್ದಾರೆ. "ನಾನು ಹೆಣ್ಣುಮಗಳ ತಂದೆ, ನನ್ನ ಮನೆಯಲ್ಲಿ ವರದಕ್ಷಿಣೆ ಕೇಳೋದು ಸಾಧ್ಯವೇ?" ಎಂಬ ಪ್ರಶ್ನೆ ಕೇಳುತ್ತಾ, ತಮ್ಮ ಮನದ ಅಂತರಂಗವನ್ನು ಬಹಿರಂಗಪಡಿಸಿದ್ದಾರೆ.

ಗ್ಯಾರಂಟಿ ನ್ಯೂಸ್‌ಗೆ ನೀಡಿದ ಸಂದರ್ಶನದಲ್ಲಿ ನಾರಾಯಣ್ ಅವರು ತಮ್ಮ ಮಗನ ದಾಂಪತ್ಯ ಜೀವನದ ಬಗ್ಗೆ ಮಾತನಾಡಿದ್ದಾರೆ. ಮದುವೆಯಾದ ನಂತರ ಕೇವಲ ಒಂದೂವರೆ ತಿಂಗಳು ಮಾತ್ರ ತಮ್ಮ ಮನೆಯಲ್ಲಿದ್ದರು ಎಂದು ಅವರು ತಿಳಿಸಿದ್ದಾರೆ. ನಂತರ ಪತ್ನಿಯೊಂದಿಗೆ ತವರು ಮನೆ ಸೇರಿಕೊಂಡರು. ನಾರಾಯಣ್ ಅವರು ಬಾಡಿಗೆ ಮನೆ ಮಾಡಿ ಕೊಟ್ಟಿದ್ದು, ಅದರ ಎಲ್ಲಾ ವ್ಯವಸ್ಥೆಗಳನ್ನು ಕೂಡ ನಿಭಾಯಿಸಿದ್ದಾರೆ. ಅಲ್ಲಿಯೇ ಅವರಿಗೆ ಮಗು ಕೂಡ ಆಯಿತು.

ಆದರೆ, ಒಂದು ದಿನ ತಮ್ಮ ಮಗ ಕ್ಯಾಬ್ ಓಡಿಸುತ್ತಿರುವುದನ್ನು ನೋಡಿ ನಾರಾಯಣ್ ಶಾಕ್ ಆಗಿದ್ದಾರೆ. ಮಗನ ಮಾತು ಕೇಳಿ, "ನಾನು ದಿನಕ್ಕೆ ಮೂರು ಸಾವಿರ ಹಣ ಮನೆಗೆ ಕೊಡಬೇಕು" ಎಂಬ ಉತ್ತರದಿಂದ ಅವರು ಇನ್ನೂ ಆಘಾತಕ್ಕೊಳಗಾದರು. ನಂತರ ಮಗನನ್ನು ಮನೆಗೆ ಕರೆದುಕೊಂಡು ಬಂದರೂ, ಪತ್ನಿಯೊಂದಿಗೆ ಅವರು ಮಾತನಾಡಿಲ್ಲ. "ಅವರಿಗೆ ಹಿರಿಯರಿಗೆ ಗೌರವ ಕೊಡುವುದು ಗೊತ್ತಿಲ್ಲ" ಎಂಬ ಕಾರಣದಿಂದ ದೂರವಿರುವುದಾಗಿ ನಾರಾಯಣ್ ಹೇಳಿದ್ದಾರೆ. 14 ತಿಂಗಳ ನಂತರ ವರದಕ್ಷಿಣೆ ಪ್ರಕರಣ ದಾಖಲಾದುದು ಅವರಿಗೆ ಆಶ್ಚರ್ಯ ಮತ್ತು ನೋವನ್ನುಂಟುಮಾಡಿದೆ.