ಆಧಾರ್ ಕಾರ್ಡ್ ಇದ್ರೂ ಸಾಕು ! ಐದು ನಿಮಿಷದಲ್ಲಿ ಸಿಗುತ್ತೆ ಲೋನ್!
ಆಧಾರ್ ಮೂಲಕ ತಕ್ಷಣ ಲೋನ್ ಪಡೆಯುವುದು ಇತ್ತೀಚೆಗಿನ ತಂತ್ರಜ್ಞಾನ ಮತ್ತು ಡಿಜಿಟಲ್ ಕ್ರಮದ ಮೂಲಕ ತುಂಬಾ ಸುಲಭವಾಗಿದೆ. ಹಲವಾರು ಫೈನಾನ್ಷಿಯಲ್ ಟೆಕ್ ಸಂಸ್ಥೆಗಳು ಮತ್ತು ಬ್ಯಾಂಕ್‌ಗಳು ಈಗ ಆಧಾರ್ ಆಧಾರಿತ KYC ದೃಢೀಕರಣದ ಮೂಲಕ ತಕ್ಷಣದ ಪರ್ಸನಲ್ ಲೋನ್ ನೀಡುತ್ತಿವೆ. ಈ ಪ್ರಕ್ರಿಯೆಯಲ್ಲಿ ಪೇಪರ್‌ಲೆಸ್ ಡಾಕ್ಯುಮೆಂಟೇಷನ್, ವೇಗದ ಮಾನ್ಯತೆ ಮತ್ತು ಅಗ್ಗದ ಬಡ್ಡಿದರಗಳು ಸೇರಿವೆ. ಲೋನ್ ಪಡೆಯುವ ಪ್ರಕ್ರಿಯೆ ಮೊದಲು ಆನ್‌ಲೈನ್ ಅರ್ಜಿ ಸಲ್ಲಿಸುವ ಮೂಲಕ ಆರಂಭವಾಗುತ್ತದೆ.
ಅರ್ಜಿದಾರನು ತನ್ನ ಆಧಾರ್ ಸಂಖ್ಯೆ ನೀಡಿದ ಮೇಲೆ, UIDAI ಡೇಟಾಬೇಸ್ ಮೂಲಕ KYC ಪರಿಶೀಲನೆ ಮಾಡಲಾಗುತ್ತದೆ. ಈ ಪ್ರಮಾಣೀಕರಣದ ನಂತರ, ಬ್ಯಾಂಕ್ ಅಥವಾ ಹಣಕಾಸು ಸಂಸ್ಥೆ ಆಧಾರದ ಮೇಲೆ ಆರ್ಥಿಕ ಸ್ಥಿತಿಯ ಆನಾಲಿಸಿಸ್ ಮಾಡಿ, ಅರ್ಹತೆಗೆ ತಕ್ಕಂತೆ ಲೋನ್ ಮಂಜೂರು ಮಾಡುತ್ತದೆ. ಇಂತಹ ರೀತಿ ಲೋನ್ ಪ್ರಕ್ರಿಯೆ ಪೂರ್ತಿಯಾಗುವ ಸಮಯ ಕೆಲವೇ ನಿಮಿಷಗಳಲ್ಲಿ ಸಾಧ್ಯವಾಗುತ್ತದೆ, ಇದು ತುರ್ತು ಹಣದ ಅವಶ್ಯಕತೆ ಇರುವವರಿಗೆ ಬಹುಮಟ್ಟಿಗೆ ಉಪಕಾರಿಯಾಗುತ್ತದೆ.
ಆಧಾರ್ ಕಾರ್ಡ್ ಬಳಸಿ ಪರ್ಸನಲ್ ಲೋನ್ (Personal Loan) ಪಡೆಯುವುದು ಸುಲಭವಾಗಿದೆ, ಏಕೆಂದರೆ ಇದರಿಂದ ಗುರುತಿನ ಪುರಾವೆ, ವಯಸ್ಸು ಮತ್ತು ವಿಳಾಸವನ್ನು ದೃಢೀಕರಿಸಲು ಬೇರೆ ದಾಖಲೆಗಳ ಅಗತ್ಯವಿಲ್ಲ. ಕೆಲ ಹಣಕಾಸು ಸಂಸ್ಥೆಗಳು ₹10,000 ದಷ್ಟು ತಕ್ಷಣ ಲೋನ್ ನೀಡುತ್ತವೆ, ಉದಾ: NoBroker InstaCash, Credmudra ಹಾಗೂ ಫೋನ್ ಪೇ, ಗೂಗಲ್ ಪೇ ಸೇರಿದಂತೆ ಹಲವು ಪ್ಲಾಟ್ ಫಾರಂ ಗಳು ಈ ಸೇವೆ ಒದಗಿಸುತ್ತಿವೆ
ಸಾಮಾನ್ಯವಾಗಿ ₹10,000 ರಿಂದ ₹5 ಲಕ್ಷದವರೆಗೆ ಲೋನ್ ಮೊತ್ತ ಸಿಗಬಹುದಾಗಿದೆ, ಅವಧಿ 3 ತಿಂಗಳಿಂದ 24 ತಿಂಗಳವರೆಗೆ ಇರಬಹುದು. ಬಡ್ಡಿದರ, ಎಂಐ‌ಐ ಹಾಗೂ ಶರತ್ತುಗಳು ಸಂಸ್ಥೆಗೆ ಸಂಸ್ಥೆಗೆ ಬದಲಾಗುತ್ತವೆ. ಕೆಲ ಆಪ್‌ಗಳು ಪ್ಯಾನ್ ಕಾರ್ಡ್ ಮತ್ತು ಆಧಾರ್ ಕಾರ್ಡ್ ಮಾತ್ರ ನೀಡುವ ಮೂಲಕವೇ ಲೋನ್ ಮಂಜೂರು ಮಾಡುತ್ತವೆ. ಆದ್ದರಿಂದ, ಈ ಸೇವೆ ಬಳಸುವ ಮುನ್ನ ಶರತ್ತುಗಳು ಮತ್ತು ಬಡ್ಡಿದರಗಳ ಬಗ್ಗೆ ಸ್ಪಷ್ಟವಾದ ಮಾಹಿತಿ ಪಡೆದುಕೊಳ್ಳುವುದು ಅತ್ಯಗತ್ಯ.
ಅರ್ಹತೆ ಏನು?
ವಯಸ್ಸು: ಕನಿಷ್ಟ 21 ರಿಂದ 55 ವರ್ಷ
ಆದಾಯ: ಕನಿಷ್ಟ ₹12,000 – ₹15,000 ತಿಂಗಳ ವೇತನ
ಕ್ರೆಡಿಟ್ ಸ್ಕೋರ್: ಶೇ. 700 ಕ್ಕಿಂತ ಹೆಚ್ಚು ಉತ್ತಮ
ಉದ್ಯೋಗ: ಖಾಸಗಿ, ಸರ್ಕಾರಿ ಅಥವಾ ಸ್ವಯಂ ಉದ್ಯೋಗಿಯೂ ಇರಬಹುದು
ಅನುಭವ: ಕನಿಷ್ಠ ಒಂದು ವರ್ಷ
ಆಧಾರ್ ಆಧಾರಿತ ತಕ್ಷಣ ಲೋನ್ ಸೇವೆ ಬಳಕೆಗೆ ಇಚ್ಛಿಸುವವರು, NBFC ಅಥವಾ ಬ್ಯಾಂಕ್‍ಗಳ ಅಧಿಕೃತ ವೆಬ್‌ಸೈಟ್ ಅಥವಾ ವಿಶ್ವಾಸಾರ್ಹ ಆಪ್‌ಗಳನ್ನು ಮಾತ್ರ ಬಳಸಬೇಕು. ಅನಧಿಕೃತ ಆನ್‌ಲೈನ್ ಆಪ್‌ಗಳು ಅಥವಾ ದುರ್ಬಳಕೆ ಸಾಧ್ಯತೆ ಇರುವ ವೆಬ್‌ಸೈಟ್‌ಗಳಿಂದ ದೂರವಿರುವುದು ಸುರಕ್ಷಿತ. ಲೋನ್ ಪಡೆಯುವ ಮೊದಲು ತಾವು ಪಡೆದ ಹಣವನ್ನು ಹೇಗೆ ಹಿಂತಿರುಗಿಸುತ್ತೀರಿ ಎಂಬುದು ಸ್ಪಷ್ಟವಾಗಿರಬೇಕು, ಇಲ್ಲದಿದ್ದರೆ ಹಣಕಾಸಿನ ಒತ್ತಡ ಉಂಟಾಗಬಹುದು.