ಕ್ಯಾಶ್ ನಲ್ಲಿ ವ್ಯವಹಾರ ಮಾಡುವವರಿಗೆ ದೊಡ್ಡ ಆಘಾತ ಕೊಟ್ಟ ಸರ್ಕಾರ್ !!

ಆದಾಯ ತೆರಿಗೆ ಇಲಾಖೆಯ ಪ್ರಕಾರ, ನಗದು ವಹಿವಾಟುಗಳು ಇಂದು ಕಠಿಣ ನಿಯಂತ್ರಣಕ್ಕೊಳಗಾಗುತ್ತಿವೆ. ಇದು ಜಿಎಸ್‌ಟಿ ನೋಟೀಸ್ ಬಳಿಕವು ಮತ್ತೊಂದು ಹೆಜ್ಜೆಯಾಗಿದೆ, ಯಾಕೆಂದರೆ ದೊಡ್ಡ ಪ್ರಮಾಣದ ನಗದು ವಹಿವಾಟುಗಳು ತೆರಿಗೆ ತಪ್ಪಿಸುವ ಅಪಾಯವಿದೆ. ಆದಾಯ ತೆರಿಗೆ ಕಾಯ್ದೆ 1961ರ ಅಡಿಯಲ್ಲಿ ಕೆಲವು ಮಿತಿಗಳನ್ನು ನಿಗದಿಪಡಿಸಲಾಗಿದೆ. ಈ ಮಿತಿಗಳನ್ನು ಮೀರುವ ಮೂಲಕ ನಗದು ಸ್ವೀಕರಿಸಿದರೆ ಅಥವಾ ಪಾವತಿಸಿದರೆ, ಶೇಕಡ 100 ರಷ್ಟು ದಂಡ ವಿಧಿಸಬಹುದಾಗಿದೆ.

ಸೆಕ್ಷನ್ 269SS ಪ್ರಕಾರ, ₹20,000 ಕ್ಕಿಂತ ಹೆಚ್ಚಿನ ನಗದು ಸಾಲಗಳ ಸ್ವೀಕೃತಿಯನ್ನು ನಿಷೇಧಿಸಲಾಗಿದೆ. ಈ ನಿಯಮವನ್ನು ಉಲ್ಲಂಘಿಸಿದರೆ, ನೀಡಲಾಗಿರುವ ಅಥವಾ ಸ್ವೀಕರಿಸಲಾದ ಮೊತ್ತದಷ್ಟು ದಂಡ ವಿಧಿಸಲಾಗುತ್ತದೆ. ಇದೇ ರೀತಿಯಲ್ಲಿ, ಸೆಕ್ಷನ್ 269ST ಪ್ರಕಾರ, ಒಂದೇ ವ್ಯಕ್ತಿಯಿಂದ ಒಂದೇ ದಿನಕ್ಕೆ ₹2 ಲಕ್ಷ ಅಥವಾ ಹೆಚ್ಚಿನ ನಗದು ಸ್ವೀಕರಿಸುವುದನ್ನು ನಿಷೇಧಿಸಲಾಗಿದೆ. ಇದು ವೈಯಕ್ತಿಕ ಅಥವಾ ವಾಣಿಜ್ಯ ವಹಿವಾಟಿಗೆ ಅನ್ವಯಿಸುತ್ತದೆ.

ಕೇಂದ್ರ ಸರ್ಕಾರ 269T ಸೆಕ್ಷನ್ ಅಡಿಯಲ್ಲಿ ₹20,000ಕ್ಕಿಂತ ಹೆಚ್ಚಾದ ನಗದು ಮರುಪಾವತಿಯನ್ನೂ ನಿಷೇಧಿಸುತ್ತಿದೆ. ಈ ನಿಯಮ ಉಲ್ಲಂಘನೆಗೂ ಮೊತ್ತದಷ್ಟು ದಂಡ ವಿಧಿಸಲಾಗುತ್ತದೆ. ಸೆಕ್ಷನ್ 40A(3) ಪ್ರಕಾರ, ವ್ಯವಹಾರಗಳಲ್ಲಿ ₹10,000ಕ್ಕಿಂತ ಹೆಚ್ಚಿನ ನಗದು ಪಾವತಿಗಳನ್ನು ಸ್ವೀಕರಿಸಿದರೆ, ಆ ವೆಚ್ಚ ತೆರಿಗೆಯಲ್ಲಿ ಅಡಾಯವಾಗದು. ಸೆಕ್ಷನ್ 80G ಅಡಿಯಲ್ಲಿ ನಗದು ರೂಪದ ದಾನಗಳಿಗೆ ₹2,000 ಮಿತಿಯಿದೆ; ಹೆಚ್ಚಿದರೆ ತೆರಿಗೆ ವಿನಾಯಿತಿ ಲಭ್ಯವಿಲ್ಲ.

ಅಷ್ಟೇ ಅಲ್ಲದೆ, ₹50 ಕೋಟಿಗಿಂತ ಹೆಚ್ಚಿನ ವ್ಯವಹಾರ ಮಾಡುವ ಸಂಸ್ಥೆಗಳು ಯುಪಿಐ, ನೆಫ್ಟ್ ಅಥವಾ ಇ-ಪಾವತಿ ಆಯ್ಕೆಗಳನ್ನು ಕಡ್ಡಾಯವಾಗಿ ಒದಗಿಸಬೇಕು. ಈ ನಿಯಮವನ್ನು ಪಾಲಿಸದಿದ್ದರೆ, ಪ್ರತಿದಿನ ₹5000 ದಂಡ ವಿಧಿಸಲಾಗುತ್ತದೆ. ಇದರಿಂದ ಡಿಜಿಟಲ್ ಪಾವತಿ ಬೆಳವಣಿಗೆಗೆ ಉತ್ತೇಜನೆ ನೀಡಲು ಮತ್ತು ನಗದು ಆಧಾರಿತ ವಹಿವಾಟುಗಳನ್ನು ನಿಯಂತ್ರಿಸಲು ಸರ್ಕಾರ ಕಠಿಣ ಕ್ರಮಗಳನ್ನು ಕೈಗೊಂಡಿದೆ.

ಇಂತಿರುವಾಗ ನಗದು ವಹಿವಾಟು ಮಾಡುವವರು ಈ ನಿಯಮಗಳನ್ನು ತಿಳಿದು ಅದನ್ನು ಸರಿಯಾಗಿ ಪಾಲಿಸಲು ಅಗತ್ಯವಿದೆ. ನಿಷೇಧಿತ ಮಿತಿಗಳನ್ನು ಮೀರಿ ವಹಿವಾಟು ಮಾಡಿದರೆ, ಅದರ ಪರಿಣಾಮವಾಗಿ ಶೇಕಡ ನೂರರಷ್ಟು ದಂಡ ಎದುರಿಸುವ ಸಂದರ್ಭವಿದೆ. ಸರ್ಕಾರದ ಈ ಕ್ರಮಗಳು ನಗದು ವ್ಯವಹಾರಗಳ ಬಗ್ಗೆ ಪಾರದರ್ಶಕತೆ ಕಾಪಾಡುವ ಮತ್ತು ತೆರಿಗೆ ಸಂಗ್ರಹ ಜವಾಬ್ದಾರಿಯನ್ನು ನಿರ್ವಹಿಸುವ ಉದ್ದೇಶದಿಂದ ಜಾರಿಗೆ ತರಲಾಗಿವೆ.