ಮಗುವಿನ ಆರೋಗ್ಯ ಕ್ಕೆ ಸ್ತನಗಳ ತೊಟ್ಟಿನ (ಮೊಲೆ ತೊಟ್ಟು) ಸ್ವಚ್ಛತೆ ಕಾಯ್ದುಕೊಳ್ಳುವುದು ಹೇಗೆ? ಉಪಯುಕ್ತವಾದ ಮಾಹಿತಿ

Updated: Saturday, December 12, 2020, 13:00 [IST]

ಬಹುತೇಕ ಮಹಿಳೆಯರಿಗೆ ತಮ್ಮ ಬಾಣಂತನದ ಸಮಯದಲ್ಲಿ ತಮ್ಮ ಸ್ತನಗಳ ಸ್ವಚ್ಛತೆಯನ್ನು ಕಾಯ್ದುಕೊಳ್ಳುವುದನ್ನು ಮರೆಯುತ್ತಾರೆ. ಆದರೆ ಇದು ಮಗುವಿನ ಆರೋಗ್ಯಕ್ಕೆ ತುಂಬಾ ಹಾನಿಕರ.ಗರ್ಭಾವಸ್ಥೆಯ ದಿನಗಳು ಮಹಿಳೆಯರಿಗೆ ತುಂಬಾ ಸೂಕ್ಷ್ಮದಾಯಕ. ಅತಿ ಹೆಚ್ಚು ಜಾಗರೂಕತೆ ವಹಿಸಬೇಕಾದ ಸಂದರ್ಭ ಎಂದರೆ ಅದು ಗರ್ಭಾವಸ್ಥೆಯ ಸಂದರ್ಭ ಮತ್ತು ಬಾಣಂತನದ ಸಮಯ. ಮಗುವಿಗೆ ಹಾಲು ಕುಡಿಸುವ ಸಮಯದಲ್ಲಿ ಅತಿ ಹೆಚ್ಚು ದೈಹಿಕ ಸ್ವಚ್ಛತೆಯನ್ನು ಮಗುವಿನ ತಾಯಿ ಕಾಪಾಡಿಕೊಳ್ಳಬೇಕು.     

Advertisement

ಮಗುವಿನ ಆರೋಗ್ಯ ತುಂಬಾ ಸೂಕ್ಷ್ಮವಾಗಿರುವುದರಿಂದ ಯಾವುದೇ ಸಂದರ್ಭದಲ್ಲಿ ಮಗುವಿಗೆ ಸೋಂಕು ಕಂಡು ಬರಬಹುದು.

 

ಹಾಲು ಕುಡಿಸುವ ಸಂದರ್ಭದಲ್ಲಿ ಬ್ರಾ

  • ಹಾಲು ಕುಡಿಸುವ ಸಂದರ್ಭದಲ್ಲಿ ಮೆಟರ್ನಿಟಿ ಬ್ರಾ ಧರಿಸುವ ಅಭ್ಯಾಸ ನಿಮಗಿರಬೇಕು. ಏಕೆಂದರೆ ಇದು ಹತ್ತಿಯಿಂದ ಮಾಡಲ್ಪಟ್ಟಿರುವುದರಿಂದ ನಿಮ್ಮ ಚರ್ಮಕ್ಕೆ ತುಂಬಾ ಸೂಕ್ಷ್ಮ ಮತ್ತು ಮೃದುವಾದ ಅನುಭವ ಉಂಟು ಮಾಡುತ್ತದೆ.
  • ಯಾವುದೇ ಕಾರಣಕ್ಕೂ ಈ ಸಂದರ್ಭದಲ್ಲಿ ಸ್ಯಾಟಿನ್, ಲೈಕ್ರಾ ಅಥವಾ ಪಾಲಿಸ್ಟರ್ ಬ್ರಾಗಳನ್ನು ಧರಿಸಬೇಡಿ. ಮೊಲೆ ತೊಟ್ಟು ಭಾಗವನ್ನು ಅತಿ ಹೆಚ್ಚು ತೇವಾಂಶವನ್ನು ಹಿಡಿದಿಟ್ಟುಕೊಳ್ಳುವಂತೆ ಮಾಡಿ ಸೋಂಕುಗಳಿಗೆ ಗುರಿ ಮಾಡುವ ಸಾಧ್ಯತೆ ಈ ಬಟ್ಟೆಗಳ ಪ್ರಕಾರದಲ್ಲಿ ಕಂಡು ಬರುತ್ತದೆ.
  • ಒಂದು ವೇಳೆ ಈಗಾಗಲೇ ನಿಮ್ಮ ಸ್ತನಗಳ ಭಾಗದಲ್ಲಿ ಸಣ್ಣ ಪುಟ್ಟ ಸೋಂಕು ಉಂಟಾಗಿದ್ದರೆ ಇಂತಹ ಬಟ್ಟೆಗಳನ್ನು ಸಂಪೂರ್ಣವಾಗಿ ದೂರ ಇಡಿ. ನಿಮ್ಮ ಸ್ತನಗಳ ಭಾಗವನ್ನು ಅಥವಾ ಮೊಲೆ ತೊಟ್ಟುಗಳನ್ನು ಪ್ರತಿ ಬಾರಿ ಸೋಪಿನ ನೀರಿನೊಂದಿಗೆ ಸ್ವಚ್ಛ ಮಾಡಲು ಹೋಗಬೇಡಿ.
  • ಏಕೆಂದರೆ ಇದು ಚರ್ಮದಲ್ಲಿನ ನೈಸರ್ಗಿಕವಾದ ತೇವಾಂಶವನ್ನು ಹೀರಿಕೊಂಡು ಮೊಲೆ ತೊಟ್ಟುಗಳ ಸುತ್ತಮುತ್ತ ಒಣಗುವಿಕೆ ಉಂಟಾಗುವಂತೆ ಮಾಡುತ್ತದೆ. ಇದರಿಂದ ಮೊಲೆ ತೊಟ್ಟುಗಳು ಪಡೆದುಕೊಂಡಿರುವ ರೀತಿ ಕಂಡು ಬರಬಹುದು.

ನೀವು ಹೀಗೆ ಮಾಡಬಹುದು
ನಿಮ್ಮ ಮಗುವಿಗೆ ಹಾಲುಣಿಸುವ ಸಂದರ್ಭಕ್ಕೆ ಮುಂಚೆ ನಿಮ್ಮ ಮೊಲೆ ತೊಟ್ಟುಗಳನ್ನು ಒಂದು ಶುಚಿಯಾದ ಮೆತ್ತಗಿನ ಹತ್ತಿ ಬಟ್ಟೆಯನ್ನು ನೀರಿನಲ್ಲಿ ಅದ್ದಿ ನಿಮ್ಮ ಮೊಲೆ ತೊಟ್ಟುಗಳ ಸುತ್ತಮುತ್ತ ಒರಸಿಕೊಂಡು ಮಗುವಿಗೆ ಹಾಲುಣಿಸಿಬಹುದು.
ಒಂದು ವೇಳೆ ಸೋಂಕು ಉಂಟಾಗುತ್ತದೆ ಎನ್ನುವ ಭಯ ನಿಮಗಿದ್ದರೆ ತಣ್ಣೀರಿನ ಬದಲು ಸ್ವಲ್ಪ ಉಗುರು ಬೆಚ್ಚಗಿನ ನೀರನ್ನು ಈ ಸಂದರ್ಭದಲ್ಲಿ ಬಳಕೆ ಮಾಡಬಹುದು.
ಹಾಲುಣಿಸಿದ ಸಂದರ್ಭದ ನಂತರ ಮತ್ತೊಮ್ಮೆ ಇದೇ ಪ್ರಕ್ರಿಯೆಯನ್ನು ಮಾಡಿ. ಇದು ಮಗುವಿನ ಬಾಯಿಯ ಎಂಜಲನ್ನು ತೆಗೆದುಹಾಕಿ ಬ್ಯಾಕ್ಟೀರಿಯಗಳ ಸೋಂಕು ಉಂಟಾಗುವ ಸಾಧ್ಯತೆಯನ್ನು ಕಡಿಮೆ ಮಾಡುತ್ತದೆ.
ಆದರೆ ನಿಮ್ಮ ದೇಹದ ಆರೋಗ್ಯಕರ ವ್ಯವಸ್ಥೆ ಗರ್ಭಾವಸ್ಥೆಯ ದಿನಗಳಲ್ಲಿ ಹೇಗಿರುತ್ತದೆ ಎಂದರೆ ನಿಮ್ಮ ದೇಹ ಆಂಟಿ ಬಾಡಿಗಳನ್ನು ಸ್ವತಃ ಉತ್ಪತ್ತಿ ಮಾಡಿ ನಿಮ್ಮ ನಿಪ್ಪಲ್ ಗಳಿಗೆ ಅಥವಾ ನಿಮ್ಮ ದೇಹಕ್ಕೆ ಯಾವುದೇ ಸೋಂಕು ತಾಗದಂತೆ ಮತ್ತು ನಿಮ್ಮಿಂದ ನಿಮ್ಮ ಮಗುವಿಗೆ ಅನಾರೋಗ್ಯಕರ ವಾತಾವರಣ ಉಂಟಾಗದಂತೆ ನೋಡಿಕೊಳ್ಳುತ್ತದೆ. 
   

Advertisement

ಹಾಗಾಗಿ ಮಗುವಿಗೆ ಹಾಲುಣಿಸಿದ ನಂತರದಲ್ಲಿ ಮೊಲೆ ತೊಟ್ಟು ಸ್ವಚ್ಛತೆಯ ಬಗ್ಗೆ ಅಷ್ಟಾಗಿ ತಲೆಕೆಡಿಸಿಕೊಳ್ಳುವ ಅಗತ್ಯತೆ ಇಲ್ಲ. ಒಂದು ವೇಳೆ ನಿಮ್ಮ ಮೊಲೆ ತೊಟ್ಟುಗಳು ಸೀಳು ಬಿಟ್ಟಂತೆ ಕಂಡು ಬಂದರೆ, ನಯವಾಗಿ ನಿಮ್ಮ ಸ್ತನಗಳನ್ನು ಒತ್ತುವ ಮೂಲಕ ಸ್ವಲ್ಪ ಹಾಲನ್ನು ಹೊರ ತೆಗೆದು ಅದನ್ನು ಮೊಲೆ ತೊಟ್ಟುಗಳ ಸುತ್ತಮುತ್ತ ಹಚ್ಚಿ.
ಗರ್ಭಾವಸ್ಥೆಯ ದಿನಗಳಲ್ಲಿ ನಿಮ್ಮ ಮೊಲೆ ಹಾಲಿಗೆ ಗಾಯವನ್ನು ವಾಸಿ ಮಾಡುವಂತಹ ಔಷಧೀಯ ಗುಣ - ಲಕ್ಷಣಗಳು ಇರುತ್ತವೆ. ಒಂದು ವೇಳೆ ತುಂಬಾ ದಿನಗಳವರೆಗೆ ಇದು ವಾಸಿಯಾಗದೇ ಹಾಗೆ ಉಳಿದರೆ ಮತ್ತು ನಿಮ್ಮ ಮಗುವಿಗೆ ಹಾಲು ಕುಡಿಸುವ ಸಂದರ್ಭದಲ್ಲಿ ನಿಮಗೆ ಕಿರಿಕಿರಿ ಉಂಟಾಗುತ್ತಿದ್ದರೆ ಮೊದಲು ವೈದ್ಯರಿಗೆ ತಿಳಿಸಿ ಸೂಕ್ತವಾದ ಸ್ಕಿನ್ ಕ್ರೀಮ್ ಕೇಳಿ ಪಡೆದುಕೊಳ್ಳಿ.  
   
Advertisement

ವೈದ್ಯರಿಂದ ಪಡೆದ ಸ್ಕಿನ್ ಕ್ರೀಂ ಹಚ್ಚಿದ ನಂತರದಲ್ಲಿ ಮಗುವಿಗೆ ಹಾಲುಣಿಸುವ ಸಂದರ್ಭದಲ್ಲಿ ಮೊದಲು ನೀವು ಸಂಪೂರ್ಣವಾಗಿ ನಿಮ್ಮ ಮೊಲೆ ತೊಟ್ಟುಗಳನ್ನು ಸ್ವಚ್ಛ ಮಾಡಿಕೊಂಡು ನಂತರ ಮಗುವಿಗೆ ಹಾಲು ಕುಡಿಸಬೇಕು.
ಗರ್ಭಾವಸ್ಥೆಯ ನಂತರದ ದಿನಗಳಲ್ಲಿ ನಿಮ್ಮ ಮಗು ಸಂಪೂರ್ಣವಾಗಿ ನಿಮ್ಮ ಎದೆ ಹಾಲಿನ ಮೇಲೆ ಅವಲಂಬಿತವಾಗಿರುವುದರಿಂದ ಯಾವುದೇ ಸಂದರ್ಭದಲ್ಲಿ ನೀವು ಬಳಸುವ ಕಾಸ್ಮೆಟಿಕ್ ಉತ್ಪನ್ನಗಳು, ಪರ್ಫ್ಯೂಮ್, ಕ್ರೀಮ್ ಇತ್ಯಾದಿಗಳು ನಿಮ್ಮ ಮಗುವಿನ ಬಾಯಿಗೆ ತಾಗದಂತೆ ನೋಡಿಕೊಳ್ಳಿ.
ಒಂದು ವೇಳೆ ನಿಮ್ಮ ಮೊಲೆ ತೊಟ್ಟುಗಳು ಅಪ್ಪಿ ತಪ್ಪಿ ಇಂತಹ ಹೆಚ್ಚು ಶಕ್ತಿಯುತವಾದ ರಾಸಾಯನಿಕ ಭರಿತ ಕಾಸ್ಮೆಟಿಕ್ ಉತ್ಪನ್ನಗಳ ಸಂಪರ್ಕಕ್ಕೆ ಬಂದಿದ್ದರೆ ನಿಮ್ಮ ಮಗುವಿಗೆ ಹಾಲುಣಿಸುವ ಮುಂಚೆ ಕಡ್ಡಾಯವಾಗಿ ನಿಮ್ಮ ಸ್ತನಗಳ ಭಾಗವನ್ನು ಸ್ವಚ್ಛ ಮಾಡಿಕೊಳ್ಳಲೇಬೇಕು. ಏಕೆಂದರೆ ಮಗುವಿನ ಸೂಕ್ಷ್ಮ ಆರೋಗ್ಯಕ್ಕೆ ಈ ರಾಸಾಯನಿಕ ಉತ್ಪನ್ನಗಳು ತುಂಬಾ ಹಾನಿಕರ.

ಮೊಲೆ ತೊಟ್ಟು ಮಸಾಜ್ ಮಾಡುವ ಪ್ರಕ್ರಿಯೆ

  • ನಿಮ್ಮ ಬೆರಳ ತುದಿಗಳಿಗೆ ಮಾಯಿಸ್ಚರೈಸರ್ ಅಥವಾ ಮಸಾಜ್ ಮಾಡುವ ಎಣ್ಣೆಯನ್ನು ಹಚ್ಚಿಕೊಂಡು ವೃತ್ತಾಕಾರವಾಗಿ ನಿಮ್ಮ ಮೊಲೆ ತೊಟ್ಟುಗಳ ಮೇಲ್ಭಾಗ ಮತ್ತು ಸುತ್ತಮುತ್ತ ಮಸಾಜ್ ಮಾಡಿ ನಯವಾಗಿ ನಿಮ್ಮ ಹೆಬ್ಬೆರಳು ಮತ್ತು ತೋರು ಬೆರಳಿನ ಹಿಡಿತದಲ್ಲಿ ಮೊಲೆ ತೊಟ್ಟುಗಳನ್ನು ಹೊರಭಾಗಕ್ಕೆ ಸೆಳೆಯುವ ರೀತಿ ಮಸಾಜ್ ಮಾಡಬೇಕು.
  • ದಿನಕ್ಕೆ ಎರಡು ಬಾರಿಯಂತೆ ಸುಮಾರು ಐದು ನಿಮಿಷಗಳ ಕಾಲ ಈ ರೀತಿ ಮಾಡಿ. ಆದರೆ ಯಾವುದೇ ಕಾರಣಕ್ಕೂ ಬಿಗಿಯಾದ ಹಿಡಿತ ಬೇಡ ಅಥವಾ ಹೆಚ್ಚು ಎಳೆಯುವುದು ಬೇಡ.
  • ಗರ್ಭಾವಸ್ಥೆಯ ದಿನಗಳಲ್ಲಿ ಸ್ಯಾಟಿನ್ ಬ್ರಾ ಅಥವಾ ಫ್ಯಾನ್ಸಿ ಲೈಕ್ರಾ ಧರಿಸಲು ಹೋಗಬೇಡಿ.
  • ಏಕೆಂದರೆ ಇದು ನಿಮ್ಮ ದೇಹದ ಚರ್ಮಕ್ಕೆ ಅಂಟಿಕೊಳ್ಳುವ ಸಾಧ್ಯತೆ ಇರುವುದರಿಂದ ಹೆಚ್ಚು ತೇವಾಂಶವನ್ನು ( ನಿಮ್ಮ ದೇಹದ ಮೈ ಬೆವರನ್ನು ) ಸ್ತನಗಳ ಸುತ್ತ ಮುತ್ತ ಹಾಗೆ ಹಿಡಿದಿಟ್ಟು ಸೋಂಕು ಮತ್ತು ಗಾಯಗಳನ್ನು ಉಂಟು ಮಾಡಿ ಕೆರೆತ ಕಂಡು ಬರುವಂತೆ ಮಾಡಬಹುದು.

ಹಾಲುಣಿಸುವ ಸಂದರ್ಭದಲ್ಲಿ ಮೊಲೆ ತೊಟ್ಟುಗಳ ಆರೈಕೆ

  • ಮಗುವಿಗೆ ಹಾಲು ಕುಡಿಸುವ ಸಂದರ್ಭದಲ್ಲಿ ಮೊಲೆ ತೊಟ್ಟುಗಳ ಸ್ವಚ್ಛತೆ ಕಾಯ್ದುಕೊಳ್ಳುವುದು ತುಂಬಾ ಮುಖ್ಯ ಎನಿಸುತ್ತದೆ.
  • ಏಕೆಂದರೆ ಗಾಳಿಯ ಸಂಪರ್ಕ ಉಂಟಾಗುವುದರಿಂದ ಸೋಂಕು ಕಾರಕ ಕ್ರಿಮಿಗಳ ಸ್ಪರ್ಶದ ಕಾರಣ ನಿಮ್ಮ ಮೊಲೆ ತೊಟ್ಟುಗಳ ಮೂಲಕ ನಿಮ್ಮ ಮಗುವಿಗೆ ಸೋಂಕು ತಗಲುವ ಸಾಧ್ಯತೆ ಹೆಚ್ಚಾಗಿರುತ್ತದೆ.
  • ಹಾಗಾಗಿ ಹಾಲುಣಿಸುವ ಸಂದರ್ಭಕ್ಕೆ ಮುಂಚೆ ಮತ್ತು ನಂತರ ನಿಮ್ಮ ಮೊಲೆ ತೊಟ್ಟುಗಳನ್ನು ಸ್ವಚ್ಛವಾಗಿರಿಸಿಕೊಳ್ಳುವ ಪ್ರಯತ್ನ ಮಾಡಿ.

ಗರ್ಭಾವಸ್ಥೆಯ ದಿನ

  • ಒಬ್ಬ ಮಹಿಳೆ ಗರ್ಭಿಣಿಯಾಗಿ ಕೆಲವು ದಿನಗಳು ಕಳೆದ ನಂತರ ಆಕೆಯ ಸ್ತನಗಳು ಸ್ವಲ್ಪ ಊದಿಕೊಂಡಂತೆ ಕಂಡು ಬರುತ್ತದೆ ಎಂದು ಹೇಳುತ್ತಾರೆ. ಹಾಲುಣಿಸುವ ಸಂದರ್ಭಕ್ಕೆ ಇದು ದೇಹದ ನೈಸರ್ಗಿಕ ಪೂರ್ವ ತಯಾರಿ ಎಂದು ಊಹಿಸಬಹುದು.
  • ಬಹುತೇಕ ಮಹಿಳೆಯರು ಈ ಸಂದರ್ಭದಲ್ಲಿ ತಮ್ಮ ಮೊಲೆ ತೊಟ್ಟುಗಳ ಸುತ್ತಮುತ್ತ ಒಣಗಿದ ಚರ್ಮದ ರೀತಿಯ ಅನುಭವ ಪಡೆದುಕೊಳ್ಳಬಹುದು. ಇನ್ನು ಕೆಲವರಿಗೆ ನಿಪ್ಪಲ್ ಗಳು ತುಂಬಾ ಸೂಕ್ಷ್ಮ ಎನಿಸುವಂತಹ ಅನುಭವ ಕೊಡಬಹುದು.
  • ಆದರೆ ಒಣಗುವಿಕೆ ಸಮಸ್ಯೆಯನ್ನು ಪರಿಹಾರ ಮಾಡಿಕೊಳ್ಳಲು ಆಲಿವ್ ಆಯಿಲ್ ಅಥವಾ ಬೇರೆ ಯಾವುದೇ ಒಂದು ಒಳ್ಳೆಯ ಮಾಯಿಸ್ಚರೈಸರ್ ತೆಗೆದುಕೊಂಡು ಮಸಾಜ್ ಮಾಡುವ ಅಭ್ಯಾಸ ಇಟ್ಟುಕೊಳ್ಳುವುದು ಒಳ್ಳೆಯದು. ವೈದ್ಯರ ಸಹ ಗರ್ಭಾವಸ್ಥೆಯ ಎರಡನೇ ತ್ರೈಮಾಸಿಕ ಅವಧಿ ದಿನಗಳಲ್ಲಿ ಮೊಲೆ ತೊಟ್ಟು ಮಾಡಲು ಸೂಚಿಸುತ್ತಾರೆ.     
    Advertisement
  • ಗರ್ಭಾವಸ್ಥೆಯ ದಿನಗಳಲ್ಲಿ ಮಹಿಳೆಯರ ದೇಹದಲ್ಲಿ ಮೊದಲಿಗಿಂತ ಸಾಕಷ್ಟು ಬದಲಾವಣೆಗಳು ಕಂಡು ಬರುತ್ತವೆ. ದೇಹದಲ್ಲಿ ಉಂಟಾಗುವ ಹಾರ್ಮೋನುಗಳ ವ್ಯತ್ಯಾಸ ಇದಕ್ಕೆಲ್ಲ ಕಾರಣ ಎಂದು ಹೇಳಬಹುದು.
  • ಈ ಸಂದರ್ಭದಲ್ಲಿ ಕೆಲವೊಂದು ಸಣ್ಣ ಪುಟ್ಟ ಆರೋಗ್ಯ ಅಸ್ವಸ್ಥತೆಗಳನ್ನು ಹೊರತು ಪಡಿಸಿದರೆ ಗರ್ಭಾವಸ್ಥೆಯ ದಿನಗಳು ಮಹಿಳೆಗೆ ಹೆಚ್ಚು ಸಂತೋಷದಾಯಕ ವಾತಾವರಣ ನಿರ್ಮಿಸಿ ಕೊಡುತ್ತವೆ.