ಗರ್ಭಿಣಿಯರೇ ಮಶ್ರೂಮ್ ಇಷ್ಟಾನಾ? ಈ ವಿಷ್ಯ ಗೊತ್ತಿರಲಿ!

Updated: Thursday, December 10, 2020, 10:27 [IST]

ಮಶ್ರೂಮ್ ತುಂಬಾ ಆರೋಗ್ಯಕಾರಿ ಆಹಾರ. ಇದನ್ನು ಗರ್ಭಿಣಿಯರು ಸೇವಿಸಬಹುದೇ ಎನ್ನುವ ಗೊಂದಲವಿದೆ.

ಗರ್ಭಧಾರಣೆ ವೇಳೆ ಆಹಾರ ತಿನ್ನುವ ಗೊಂದಲವು ಪ್ರತಿಯೊಬ್ಬ ಮಹಿಳೆಯಲ್ಲೂ ಇದ್ದೇ ಇರುವುದು. ಯಾವ ಆಹಾರ ಸೇವಿಸಬೇಕು ಮತ್ತು ಯಾವುದನ್ನು ಸೇವಿಸಬಾರದು ಎನ್ನುವ ಗೊಂದಲವು ಇರುವುದು.

ಕೆಲವರಿಗೆ ತಮ್ಮ ಇಷ್ಟದ ಆಹಾರವನ್ನು ಸೇವಿಸಲು ಆಗದೆ ಇರಬಹುದು. ಇನ್ನು ಕೆಲವರು ಯಾವ ಆಹಾರ ತನಗೆ ಹಾಗೂ ಸುರಕ್ಷಿತವೆಂದು ತಿಳಿಯಲು ಬಯಸುವರು.

 

Advertisement

ನಾವು ಇಂದಿನ ದಿನಗಳಲ್ಲಿ ಹೆಚ್ಚಾಗಿ ಸೇವನೆ ಮಾಡುವಂತಹ ಆಹಾರದಲ್ಲಿ ಮಶ್ರೂಮ್ ಕೂಡ ಒಂದು. ಅಚ್ಚ ಕನ್ನಡದಲ್ಲಿ ಇದಕ್ಕೆ ಅಣಬೆ ಎಂದು ಹೇಳುವರು. ಆದರೆ ನಾವೆಲ್ಲರೂ ಮಶ್ರೂಮ್ ಎಂದೇ ಕರೆಯುತ್ತೇವೆ ಅಲ್ಲವೇ?

ಇದು ಆರೋಗ್ಯಕಾರಿ ಎನ್ನುವುದು ನಮಗೆ ತಿಳಿದೇ ಇದೆ. ಆದರೆ ಇದು ಗರ್ಭಿಣಿಯರಿಗೆ ಎಷ್ಟು ಒಳ್ಳೆಯದು ಎನ್ನುವುದನ್ನು ನಾವು ಈ ಲೇಖನದಲ್ಲಿ ತಿಳಿಸಿಕೊಡಲಿದ್ದೇವೆ.

ವಿಟಮಿನ್ ಬಿ
ಮಶ್ರೂಮ್ ನಲ್ಲಿ ಬಿ ಸಂಕೀರ್ಣ ವಿಟಮಿನ್ ಗಳಿದ್ದು, ಅದರಲ್ಲೂ ಮುಖ್ಯವಾಗಿ ನಿಯಾಸಿನ್ ಮತ್ತು ರಿಬೊಫ್ಲಾವಿನ್ ಇದೆ. ಆರೋಗ್ಯಕಾರಿ ಚರ್ಮ, ನರ ಮತ್ತು ಜೀರ್ಣಕ್ರಿಯೆಗೆ ಇದು ಅತೀ ಅಗತ್ಯವಾಗಿರುವುದು. ಒಂದು ಕಪ್ ಮಶ್ರೂಮ್ ನಲ್ಲಿ ದಿನದ ಅಗತ್ಯಕ್ಕೆ ಬೇಕಾಗಿರುವ ಶೇ.21ರಷ್ಟು ನಿಯಾಸಿನ್ ಅಂಶವಿದ್ದು, ಶೇ.8ರಷ್ಟು ರಿಬೊಫ್ಲಾವಿನ್ ಅಂಶವಿದೆ.

​ವಿಟಮಿನ್ ಡಿ
ಗರ್ಭಧಾರಣೆ ವೇಳೆ ವಿಟಮಿನ್ ಡಿ ಪ್ರಮುಖವಾಗಿದ್ದು, ಇದು ದೇಹದಲ್ಲಿ ಕ್ಯಾಲ್ಸಿಯಂ ಹೀರಿಕೊಳ್ಳಲು ಪ್ರಮುಖ ಪಾತ್ರ ವಹಿಸುವುದು ಹಾಗೂ ಭ್ರೂಣದ ಮೂಳೆಯ ಬೆಳವಣಿಗೆಗೆ ಸಹಕರಿಸುವುದು. ಒಂದು ಕಪ್ ಮಶ್ರೂಮ್ ನಲ್ಲಿ 12.6 ಐಯುನಷ್ಟು ವಿಟಮಿನ್ ಡಿ ಇದೆ.     

Advertisement

ಕಬ್ಬಿಣಾಂಶ

ಗರ್ಭಿಣಿಯರಿಗೆ ಹೆಚ್ಚಾಗಿ ಕಬ್ಬಿಣಾಂಶದ ಮಾತ್ರೆಗಳನ್ನು ನೀಡಲಾಗುತ್ತದೆ. ಗರ್ಭಧಾರಣೆ ವೇಳೆ ಹಿಮೋಗ್ಲೊಬಿನ್ ಕಾಪಾಡಿಕೊಳ್ಳುವುದು ಅತೀ ಅಗತ್ಯ. ಹೀಗಾಗಿ ಕಬ್ಬಿಣಾಂಶವು ಬೇಕೇಬೇಕು. ಪ್ರತಿನಿತ್ಯವೂ 25 ಮಿ.ಗ್ರಾಂ.ನಷ್ಟು ಕಬ್ಬಿಣಾಂಶ ಬೇಕು. ಒಂದು ಕಪ್ ಮಶ್ರೂಮ್ ನಲ್ಲಿ 8 ಮಿ.ಗ್ರಾಂ ಕಬ್ಬಿಣಾಂಶವಿದೆ.

​ನಾರಿನಾಂಶ ಮತ್ತು ಆಂಟಿಆಕ್ಸಿಡೆಂಟ್
ಮಶ್ರೂಮ್ ನಲ್ಲಿ ಉತ್ತಮ ಗುಣಮಟ್ಟದ ಆಂಟಿಆಕ್ಸಿಡೆಂಟ್ ಗಳಿದ್ದು, ದೇಹದಲ್ಲಿ ಫ್ರೀ ರ್ಯಾಡಿಕಲ್ ವಿರುದ್ಧ ಹೋರಾಡಲು ಇದು ಸಹಕಾರಿ. ಮಶ್ರೂಮ್ ನಲ್ಲಿ ಇರುವಂತಹ ನಾರಿನಾಂಶವು ಗರ್ಭಧಾರಣೆ ವೇಳೆ ಕಾಡುವ ಮಲಬದ್ಧತೆ ಸಮಸ್ಯೆ ಕಡಿಮೆ ಮಾಡುವುದು.

​ತೆಗೆದುಕೊಳ್ಳಬೇಕಾದ ಮುಂಜಾಗ್ರತೆ

  • ಹಸಿ ಮತ್ತು ವಿಷಕಾರಿ ಅಣಬೆಯನ್ನು ಗರ್ಭಧಾರಣೆ ವೇಳೆ ಕಡೆಗಣಿಸಬೇಕು. ಮ್ಯಾಜಿಕ್ ಮಶ್ರೂಮ್ ನಲ್ಲಿ ಕೂಡ ರಾಸಾಯನಿಕ ಸಿಲೋಸಿಬಿನ್ ಇದ್ದು, ಇದು ಭ್ರೂನದ ಮೆದುಳಿನ ಚಟುವಟಿಕೆ ಮೇಲೆ ಪರಿಣಾಮ ಬೀರುವುದು ಎಂದು ಅಧ್ಯಯನಗಳು ಹೇಳಿವೆ.     
    Advertisement
  • ಮೊರೆಲ್ ಮಶ್ರೂಮ್ ಗಳು ತುಂಬಾ ಸುರಕ್ಷಿತ. ಯಾಕೆಂದರೆ ಇದನ್ನು ಸರಿಯಾಗಿ ಶುಚಿಗೊಳಿಸಿ, ಅಡುಗೆಗೆ ಬಳಸಲಾಗುತ್ತದೆ. ಮಶ್ರೂಮ್ ನಲ್ಲಿ ಇರುವಂತಹ ಧೂಳು ತೆಗೆಯಲು ಬ್ರಶ್ ಬಳಸಿಕೊಳ್ಳಿ.
  • ಇದರ ಬಳಿಕ ನೀರಿಗೆ ಹಾಕಿ ತೊಳೆಯಿರಿ. ಮೊರೆಲ್ ಮಶ್ರೂಮ್ ತಿನ್ನದೆ ಇದ್ದರೆ ಗರ್ಭಧಾರಣೆ ವೇಳೆ ಇದನ್ನು ಸೇವನೆ ಮಾಡಲು ಹೋಗಬೇಡಿ. ಕೆಲವರಿಗೆ ಇದು ಅಲರ್ಜಿ ಉಂಟು ಮಾಡಬಹುದು.