ಈ ಊರಲ್ಲಿ ಮದುವೆಯಾಗದ ನೂರಾರು ಹೆಣ್ಣು ಮಕ್ಕಳಿಗೆ ಹುಡುಗರೇ ಸಿಗ್ತಿಲ್ವಂತೆ! ಕಾರಣ ಕೇಳಿದರೆ ಶಾಕ್ ಆಗುತ್ತೀರಾ

ಇತ್ತೀಚಿನ ದಿನಗಳಲ್ಲಿ ಮದುವೆಯಾಗೋಕೆ ಹುಡುಗಿಯರು ಸಿಗ್ತಿಲ್ಲ ಎಂಬ ಮಾತು ಸಾಮಾನ್ಯವಾಗಿ ಕೇಳುತ್ತಿದ್ದೇವೆ. ಹೆಣ್ಣುಮಕ್ಕಳ ಸಂಖ್ಯೆ ಕಡಿಮೆಯಾಗಿದೆ. ಮದುವೆಗೆ ಹೆಣ್ಣು ಸಿಗ್ತಿಲ್ಲ ಎಂದು ನೊಂದ ನೂರಾರು ಗಂಡು ಮಕ್ಕಳು ಹೇಳೋದನ್ನ ಕೇಳಿದ್ದೇವೆ. ಜೊತೆಗೆ ಮದುವೆಗೆ ಹುಡುಗಿ ಸಿಗಲಿ ಎಂದು ದೇವರಲ್ಲಿ ಹರಕೆ ಕಟ್ಟುತ್ತಿರುವುದು, ಪಾದಯಾತ್ರೆ ಮಾಡುತ್ತಿರುವುದು ಹೀಗೆ ನೂರಾರು ಪ್ರಸಂಗಗಳನ್ನು ನೋಡುತ್ತಿದ್ದೇವೆ. ಆದರೆ ಈ ಊರಲ್ಲಿ ಫುಲ್​ ವಿಚಿತ್ರ. ಇಲ್ಲಿ ನೂರಾರು ಹೆಣ್ಣುಮಕ್ಕಳಿದ್ದಾರೆ. ಆದರೆ ಮದುವೆಯಾಗೋಕೆ ಇವರಿಗೆ ಗಂಡು ಸಿಗ್ತಿಲ್ವಂತೆ.

ಮೊದಲೆಲ್ಲಾ ಹೆಣ್ಣು ಭ್ರೂಣಹತ್ಯೆಯಿಂದಾಗಿ ಹೆಣ್ಣುಮಕ್ಕಳ ಸಂಖ್ಯೆ ಗಣನೀಯವಾಗಿ ಇಳಿಕೆಯಾಗಿದೆ ಎಂದು ಹೇಳಲಾಗಿದೆ. ಇದರಿಂದಾಗಿಯೇ ಈಗ ಪುರುಷರು ಮದುವೆಗೆ ಹುಡುಗಿಯರನ್ನು ಪಡೆಯಲು ಸಾಧ್ಯವಾಗುತ್ತಿಲ್ಲ. ಮೊದಲೆಲ್ಲಾ ವರದಕ್ಷಿಣೆ ಅಂತೆಲ್ಲಾ ಕೇಳುತ್ತಿದ್ದರು. ಆದರೆ ಈಗ ಮದುವೆಗೆ ಹೆಣ್ಣು ಸಿಕ್ಕಿದ್ರೆ ಸಾಕಪ್ಪ ಎಂದು ಕೇಳುವ ಕಾಲ ಬಂದಿದೆ. ಇಷ್ಟು ಒಂದು ಕಡೆ ಆದರೆ ಈ ಊರಲ್ಲಿ ಮಾತ್ರ ಹುಡುಗಿಯರಿಗೆ ಮದುವೆಗೆ ಗಂಡು ಸಿಗ್ತಿಲ್ಲ ಎಂಬ ಕೂಗು ಕೇಳಿಬಂದಿದೆ

ನೂರಾರು ಕನ್ಯೆಯ ಹುಡುಗಿಯರಿಂದ ತುಂಬಿರುವ ಅಂದರೆ ಮದುವೆಯಾಗದ ಹೆಣ್ಣುಮಕ್ಕಳಿಂದ ತುಂಬಿರುವ ಹಳ್ಳಿಯ ಕಥೆಯನ್ನು ನಾವು ನಿಮಗೆ ಹೇಳುತ್ತೇವೆ. ಇಲ್ಲಿನ ಹುಡುಗಿಯರು ಮದುವೆಗೆ ಹುಡುಗರನ್ನು ಪಡೆಯುತ್ತಿಲ್ಲ ಮತ್ತು ಇದಕ್ಕೆ ಕಾರಣ ತುಂಬಾ ವಿಚಿತ್ರವಾಗಿದೆ ಕೂಡ. ನೀವು ಕೂಡ ಈ ಕಾರಣ ಕೇಳಿದ್ರೆ ಅಚ್ಚರಿಗೊಳ್ತೀರ

ನಾವು ಈಗ ಮಾತನಾಡುತ್ತಿರುವ ಹಳ್ಳಿ ಹೆಸರು ನೋವಾ ಡೊ ಕೊರ್ಡೆರೊ. ಇದು ಬ್ರೆಜಿಲ್‌ನಲ್ಲಿರುವ ಒಂದು ಹಳ್ಳಿ. ಇಲ್ಲಿ ಸುಮಾರು 600 ಹುಡುಗಿಯರಿದ್ದಾರೆ, ಇವರಿಗೆ ಯಾರಿಗೂ ಇನ್ನೂ ಮದುವೆಯಾಗಿಲ್ಲ. ಅವರ ವಯಸ್ಸು 20 ರಿಂದ 35 ವರ್ಷಗಳು ಮತ್ತು ಈ ಹುಡುಗಿಯರಿಗೆ ಮದುವೆಗೆ ಹುಡುಗರು ಸಿಗುತ್ತಿಲ್ಲ. ಇದಕ್ಕೆ ಒಂದು ಕಾರಣವೆಂದರೆ ಈ ಗ್ರಾಮದಲ್ಲಿ ಅವಿವಾಹಿತ ಪುರುಷರು ಸಿಗುವುದು ತುಂಬಾ ಕಷ್ಟ
ವಾಸ್ತವವಾಗಿ, ಈ ಹಳ್ಳಿಯಲ್ಲಿರುವ ಎಲ್ಲಾ ಪುರುಷರು ವಿವಾಹಿತರು ಅಥವಾ ಅವಿವಾಹಿತ ಹುಡುಗಿಯರ ಸಂಬಂಧಿಕರಾಗಿರುತ್ತಾರೆ. ಇದರಿಂದಾಗಿ ಅವರು ಮದುವೆಯಾಗಲು ಸಾಧ್ಯವಾಗುವುದಿಲ್ಲ. ಇದು ಹುಡುಗಿಯರು ಮದುವೆಯಾಗದಿರಲು ಮೊದಲ ಕಾರಣವಾಗಿದ್ರೆ, ಹುಡುಗಿಯರು ಮದುವೆಯಾಗದಿರಲು ಮತ್ತೊಂದು ಕಾರಣ ಕೂಡ ಇದೆ.

 ಎರಡನೇ ಕಾರಣ ಕೇಳಿದ್ರೆ ನಿಮಗೆ ಆಶ್ಚರ್ಯವಾಗುತ್ತದೆ.ಸಾಮಾನ್ಯವಾಗಿ ನಿಯಮವೆಂದರೆ ಮದುವೆಯ ನಂತರ ಹುಡುಗಿಯರು ಹುಡುಗನ (ಗಂಡನ) ಮನೆಯಲ್ಲಿ ವಾಸಿಸಲು ಹೋಗುತ್ತಾರೆ. ಆದರೆ, ಬ್ರೆಜಿಲ್‌ನ ಈ ಹಳ್ಳಿಯ ಹುಡುಗಿಯರು ಮದುವೆಯ ನಂತರವೂ ಈ ಹಳ್ಳಿಯಲ್ಲಿಯೇ ಇರಲು ಬಯಸುತ್ತಾರೆ. ಅವರು ತಮ್ಮ ಗಂಡನ ಮನೆಗೆ ಹೋಗೋದಕ್ಕೆ ಇಷ್ಟ ಪಡಲ್ವಂತೆ  ಹೆಚ್ಚಿನ ಹುಡುಗಿಯರು ಮದುವೆಯ ನಂತರ ಹುಡುಗನು ತಮ್ಮ ಸ್ವಂತ ಊರಿನಲ್ಲಿ ತಮ್ಮೊಂದಿಗೆ ವಾಸಿಸಬೇಕು ಮತ್ತು ಅವರ ನಿಯಮಗಳು ಮತ್ತು ನಿಬಂಧನೆಗಳನ್ನು ಪಾಲಿಸಬೇಕು ಎಂದು ಬಯಸುತ್ತಾರೆ ಎಂದು ಹೇಳುತ್ತಾರೆ.