ಆಘಾತಕಾರಿ ಮಾಹಿತಿ: ಭಾರತದಲ್ಲಿ 6 ಜನರಲ್ಲಿ ಮ್ಯೂಟೆಡ್​ ಕೊರೋನಾ ಸೋಂಕು ದೃಢ

Updated: Tuesday, December 29, 2020, 12:50 [IST]

ICMR ಎಲ್ಲಾ ರಾಜ್ಯಗಳಿಂದ ಮಾಹಿತಿಯನ್ನು ಕಲೆಹಾಕಿದೆ. RT-PCR ಪರೀಕ್ಷೆಯ ಮಾಹಿತಿಯನ್ನೂ ಕಲೆಹಾಕಿ ಈವರೆಗೆ ಎಷ್ಟು ಜನರಿಗೆ ಈ ಸೋಂಕು ತಗುಲಿದೆ ಎಂಬ ಮಾಹಿತಿಯನ್ನು ನೀಡಿದೆ. ಅಲ್ಲದೆ, ಮುಂದೆ ಕೈಗೊಳ್ಳಬೇಕಾದ ಅಗತ್ಯ ಕ್ರಮಗಳ ಬಗ್ಗೆಯೂ ಸೂಚನೆ ನೀಡಲಿದೆ ಎಂದು ಹೇಳಲಾಗುತ್ತಿದೆ.

Advertisement

ಕಳೆದ ವರ್ಷ ಚೀನಾದಲ್ಲಿ ಪತ್ತೆಯಾದ ಕೊರೋನಾ ವೈರಸ್​ ಇದೀಗ ಇಡೀ ವಿಶ್ವವನ್ನು ಬಿಟ್ಟೂ ಬಿಡದೆ ಕಾಡುತ್ತಿದೆ. ಜಗತ್ತಿನಾದ್ಯಂತ ಮಿಂಚಿನ ವೇಗದಲ್ಲಿ ಹರಡಿದ್ದ ಈ ವೈರಸ್​ ಲಕ್ಷಾಂತರ ಜನರ ಪ್ರಾಣಕ್ಕೆ ಕುತ್ತಾಗಿದೆ. ಭಾರತದಲ್ಲೂ ಸಹ 1.4 ಲಕ್ಷಕ್ಕೂ ಅಧಿಕ ಜನ ಈ ಸೋಂಕಿನಿಂದಾಗಿ ಮೃತಪಟ್ಟಿದ್ದಾರೆ. ಈ ಸೋಂಕಿಗೆ ಲಸಿಕೆಯನ್ನು ಸಂಶೋಧಿಸುವ ಕೆಲಸವೂ ನಡೆಯುತ್ತಿದೆಯಾದರೂ ಈ ವರೆಗೆ ಲಸಿಕೆಗಳು ಕ್ಲಿನಿಕಲ್​ ಟ್ರಯಲ್​ ಹಂತವನ್ನು ದಾಟಿಲ್ಲ. ಹೀಗಾಗಿ ಕೊರೋನಾದಿಂದ ತಪ್ಪಿಸಿಕೊಳ್ಳುವ ದಾರಿ ಕಾಣದಾಗಿದೆ. ಹೀಗಿರುವಾಗಲೇ ಇತ್ತೀಚೆಗೆ ಇಂಗ್ಲೆಂಡ್​ ಹೊಸ ರೂಪಾಂತರ ಪ್ರಭೇದದ ಕೊರೋನಾ ವೈರಸ್​ ಪತ್ತೆಯಾಗಿದ್ದು, ಮತ್ತೊಮ್ಮೆ ಇಡೀ ಜಗತ್ತನ್ನು ಆತಂಕಕ್ಕೆ ದೂಡಿದೆ. ಅಲ್ಲದೆ, ಲಂಡನ್​ನಿಂದ ಭಾರತಕ್ಕೆ ಆಗಮಿಸಿರುವ ಅನೇಕ ಪ್ರಯಾಣಿಕರು ಈ ಹೊಸ ರೂಪಾಂತರಿ ವೈರಸ್​ಗೆ (ಮ್ಯೂಟೆಡ್ ವೈರಸ್​) ತುತ್ತಾಗಿದ್ದಾರೆ ಎನ್ನಲಾಗಿತ್ತು. ಆದರೆ, ಎಷ್ಟು ಜನರಿಗೆ ಈ ಸೋಂಕು ತಗುಲಿದೆ? ಎಂಬ ಮಾಹಿತಿ ಈ ವರೆಗೆ ದಕ್ಕಿರಲಿಲ್ಲ. ಇದೀಗ ಈ ಕುರಿತ ಅಧಿಕೃತ ಮಾಹಿತಿಯನ್ನು ಹೊರಹಾಕಿದೆ. ಈ ವರದಿಯ ಪ್ರಕಾರ ದೇಶದಲ್ಲಿ 6 ಜನರಿಗೆ ಈ ಮ್ಯೂಟೆಡ್​ ವೈರಸ್​ ತಗುಲಿರುವುದು ಖಚಿತವಾಗಿದೆ.

ಬ್ರಿಟನ್ ನಿಂದ ಬಂದವರ ಪೈಕಿ ಮ್ಯೂಟೆಡ್ ವೈರಸ್ ಪೀಡಿತರು ಎಷ್ಟು? ದೇಶಾದ್ಯಂತ ಎಷ್ಟು ಮಂದಿ ಮ್ಯೂಟೆಡ್ ವೈರಸ್ ಪೀಡಿತರಿದ್ದಾರೆ? ಕರ್ನಾಟಕದಲ್ಲಿ ಎಷ್ಟು ಮಂದಿ ಮ್ಯೂಟೆಡ್ ವೈರಸ್ ಪೀಡಿತರಿದ್ದಾರೆ? ಎಂಬ ಅಧಿಕೃತ ಮಾಹಿತಿಯನ್ನು ICMR- ಇಂಡಿಯನ್ ಕೌನ್ಸಿಲ್ ಆಫ್ ಮೆಡಿಕಲ್ ರಿಸರ್ಚ್ ಇಂದು ಹೊಸಹಾಕಿದೆ.

 

ICMR ಎಲ್ಲಾ ರಾಜ್ಯಗಳಿಂದ ಮಾಹಿತಿಯನ್ನು ಕಲೆಹಾಕಿದೆ. RT-PCR ಪರೀಕ್ಷೆಯ ಮಾಹಿತಿಯನ್ನೂ ಕಲೆಹಾಕಿ ಈವರೆಗೆ ಎಷ್ಟು ಜನರಿಗೆ ಈ ಸೋಂಕು ತಗುಲಿದೆ ಎಂಬ ಮಾಹಿತಿಯನ್ನು ನೀಡಿದೆ. ಅಲ್ಲದೆ, ಮುಂದೆ ಕೈಗೊಳ್ಳಬೇಕಾದ ಅಗತ್ಯ ಕ್ರಮಗಳ ಬಗ್ಗೆಯೂ ಸೂಚನೆ ನೀಡಲಿದೆ ಎಂದು ಹೇಳಲಾಗುತ್ತಿದೆ.

ಈ ರೂಪಾಂತರಿ ಕೊರೋನಾ ಮ್ಯೂಟೆಡ್​ ವೈರಸ್​ ಕೊರೋನಾಗಿಂತ ಶೇ.70 ರಷ್ಟು ಹೆಚ್ಚು ವೇಗವಾಗಿ ಹರಡುತ್ತದೆ. ಅಲ್ಲದೆ, ಸೋಂಕಿತರಿಗೆ ಶೀಘ್ರದಲ್ಲಿ ಸಾವನ್ನು ತರುವಷ್ಟು ಮಾರಣಾಂತಿಕವಾಗಿದೆ. ಇದೇ ಕಾರಣಕ್ಕೆ ಭಾರತ ಇಂಗ್ಲೆಂಡ್​ನಿಂದ ಎಲ್ಲಾ ವಿಮಾನಯಾನಗಳ ಸಂಚಾರಕ್ಕೂ ನಿರ್ಬಂಧ ಹೇರಿದೆ. ಆದರೂ ಕೊನೆಯ ವಿಮಾನದಲ್ಲಿ ಆಗಮಿಸಿದ್ದ ಹಲವರಲ್ಲಿ ಈ ವೈರಸ್​ ಸೋಂಕು ಇದೆ ಎಂದು ಅನುಮಾನಿಸಲಾಗಿತ್ತು.